من فتره حسيت احساس غريب اول مرة احسه..انا قبل كده كتيير كنت بتخيل الناس اللى بيتعذبوا فى القبر ودايما بدعى ربنا انه ينجيبنى من عذاب القبر والنار (ربنا يعافينا كلنا)...بس لما شفت صورة واحده كافره ماتت كانت كافره وكانت بتعمل معاصى كتير وانا شايفه صورتها تخيلتها وهى بتصرخ والملايكه بيعذبوها فى القبر.....
عذابها مش هينتهى ابدااا عذابها أبدى ومحدش هينقذها ...
انا طبعا معرفش الله اعلم اللى بيتعذبوا بيصرخوا ولا مفهمش صوت من كتر الالم يصرخوا ولا صوت التعذيب مغطى على صوتهم الله اعلم بس هو ده اللى جه فبالى وانا باصه لصورتها....
متخيلين لو حد سرب تسجيل من سجن واصوات التعذيب والصرخات والالم اللى بنشوفه او اللى جنود الاحتلال بيعملوه مع الفسلطينين او العراقيين ....بس طبعاا الفرق كبييير اوى لان مفيش وجه مقارنه بين اساليب عذاب البشر واساليب العذاب فى القبر والنار وكمان اللى بيتعذبوا عذابهم ليه نهايه سواء انهم هيخرجوا او يهربوا اوحتى يموتوا الاكيد ان فى نهايه ...اما اللى يموت ويلاقى العذاب ادامه هو ده العذاب اللى ملوش نهايه.....بكره الدنيا كلها هتفنى وفى ناس كتييييييييير اوى هيقولوا ياا ريتنا.....ياااااااااااارب منكنش منهم
صعب اوى ان انسان يموت ويلاقى نفسه بيتعذب فى القبر وشايف مكانه اللى فى النار اللى هيكون فيه للابد.....عذااااب وألم ليه بدايه وملوش نهاايه نفسه يرجع تانى بس مش هيرجع الفرصه كانت بين ايديه وهو اللى ضيعها....
احنا فرصتنا لسه بين ايدينا لاننا لسه عايشين مش عايزين نضيع الفرصه دى لانها الاولى والاخيره مش عايزين نندم مش عايزين نقول ياريتنا....