دى شنطه خطيره جدا
لقيت واحده شرحاها
قلت لازم اوريهالكم
وده الشرح
الشنطة سهلة جداااااااااا ولازم خيط المكرمية عشان تديكى النتيجة الحلوة دى
بص يا قمر هتبدأى بسلاسل عددها 50 س اللى هى فتحة السوستة بتاعة الشنطة
اول سطر ع بلفة على مدار السطر كله
السطر التانى ع امامى
السطر التالت ع خلفى
هنكرر السطرين دول لحد السطر السادس هتلاقى عند وجهين للشغل مختلفين تماما واحد عامل زى الضفاير شبه التريكو وواحد عامل زى الزجزاج بالعرض اللى هو فى الصورة قدامك واللى المفروض انه ظهر الشغل صلا
بعد كده هنبدأفى الغرزة اللى تحت وهى غرزة المروحة بس بالاعمدة الامامية
هتبدأى ب 3س و2 ع فى نفس الغرزة وتسيبى غرزتين وتعملى حشو وتسيبى غرزتين وتدخلى فى التالتة وتعملى 6 ع فى غرزة واحدة وتسيبى غرزتين وحشو وهكذا لاخر السطر هتلاقى عندك 10 مروحة منهم واحدة مقسومة نصين نص مروحة فى اول السطر والنص التانى فى اخر السطر تمام كده ؟؟؟؟
هتقلبى الشغل تبدأى فى السطر التانى وهنا التكة اللى مخلية غرزة الشنطة بارز وغائر كده
انك هتعملى السطر التانى اعمدة امامية ازاااااااااى ؟؟؟؟؟؟؟
من اخر غرزة فى السطر الاول تاخدى لفة وتدخلى مباشرة فى الحشو اللى بعدهم وتعملى ع امامى وفى نفس الحشو تكملى كمان 5 ع امامى ثم تعملى حشو فى العمود التالت من المروحة اللى بعدها وترجعى تدخلى فى الحشو اللى بعدها وتكررى السابق لاخر السطر هتلاقى السطر ده بارز واللى قبله غائروالاتنين فى سوى بعض كأنهم سطر واحد هتقلبى الشغل وتكررى السطرين دول 4 مرات يعنى 8 سطور
كانهم 4سطور من كل وجه
وبعدين تكرريهم تانى بس تخلى الاعمدة 8 مش 6 عشان توسع معاكى من تحت
وبكدهتكونى خلصتى وجه واحد من الشنطة هتكرريه تانى للوجه التانى وبعدين تعملى السوستة من فوق
اليد هتعملى سلاسل بطول اليدومحيط الشنطة من الجناب وتحت وتقفليها بمنزلقة وتشتغليها حشوهتبئى زى الحزام المقفول وتعملى عدد من السطور يكفى لاتساع الشنطة اللى تحبيه وبعدين هتخيطى فيه الوجه الاول للشنطة بالابرة والخيط بطريقة نظيفة متبينش الخياطة وتخيطى الوجه التانى مقابل للاول
وبس خلاص
فعلا وضحتيها ما شاء الله عليكى
وجزاكى الله خيرا
الأربعاء يوليو 04, 2012 3:37 pm
نورتينا يا جميل
