اكلات دايت خفيفه على السريع

ازيكم يا احلى بنات
الوصفات ى لقيتها وممتازه
يارب تجربوها للى عامل دايت وممكن وجبات عاديه في الفطار او سلطه


الجبنة القريش
*********

يتم تقطيع خيار و جزر و فلفل أخضر وبقدونس و طماطم و ممكن بروكلى تقطيع رفيع جدا
أو ممكن تخريط الجزر والخيار بالمخرطة بتاعت البصل
يتم اضافة الخضار الى الجبنة القريش مع القليل من الشطة ( أنا عن نفسى بحبها حامية )
يتم التقليب جيدا وبالهنا والشفا

وبالنسبة للى مش عامل رجيم ممكن يضيف القليل من الزيت وبتتاكل بالعيش طبعا

ويارب تعجبكم



سلطة التونة
*******

يتم تصفية التونة من الزيت كويس جداوتوضع فى طبق عميق
يتم تقطيع بصلة صغيرة الى مكعبات صغيرة وتضاف الى التونة
وأيضا يتم تقطيع خس الكابوتشى ( 1\2 خساية تقريبا ) الى أوراق صغيرة وتضاف الى التونة والبصل
ممكن اضافة حلقات من الفلفل الأخضر الحامى للناس اللى بيحبو الأكل الحار
بعد ذلك يتم عصر ليمونة مع رشة ملح
وطبعا بتتاكل حاف بالملعقة

وممكن الوجبة دى تتعمل كسلطة جنب الأكل للناس اللى مش عاملة دايت



بيتزا قليلة السعرات
**********
المقادير:
1/2 كوب ماء دافئ
1 ملعقة كبيرة خميرة فورية
1 ملعقة كبيرة زيت زيتون
1 كوب دقيق القمح الكامل(النخالة)
3/4 كوب دقيق ابيض
1/2 ملعقة صغيرة ملح

الطريقة:
توضع الخميرة فى نصف كوب الماء الدافى للتخمير ( تترك لمدة 5 دقائق او حتى ظهور الفقاقيع )
فى الوقت دة يتم خلط القيق الاسمر و الابيض مع الملح خلط جيدا ثم اضافة الزيت و الخميرة المخمرة
يتم تقليب العجينة حتى تتماسك و تصبح كتلة واحدة وتترك فى مكان محكم الغلق و دافئ حتى يتضاعف حجمها .
بعد تضاعف الحجم يتم رش قليل من الدقيق على سطح ناعم و تعجن العجينة باليد لمدة 5 دقائق ثم تفرد فى الصانية .

بالنسبة للحشوة انا بفرد قليل من صلصة البيتزا (و دى بتكون معلبة جاهزة) , طماطم ,فلفل اخضر ,زيتون مقطع شرائح و فى النهاية موتزاريلا مبشورة قليلة السعرات و زعتر ( اورجانو).
طبعا انتى ممكن تعملى الحشوة ألى نفسك فيها بس على قد ماتقدرى خليها قليلة السعرات و بالهنا و الشفا و يا رب تعجبكو.

منقوله لاجمل بنات