مسابقه احلى ورشه من فضلك محتاجين ردك ومشاركتك معنا

هذه مشاركات المتسابقات
في مسابقه اجمل ورشه كروشيه

وعاوزينكم تصوتو على احلى ورشه فيهم

الجوائز:
-الفائز الاول: حصوله على 5 جنيه رصيد موبايل
وسام الفائز بالمركز الاول
بيع منتجه في كتالوج مايو بدون اشتراك

2-الفائز الثانى:حصوله على وسام الفائز التانى
بيع منتجه في كتالوج مايو بدون اشتراك



المشاركه الاولى:

فستان طفله
الموديل الاصلي


التنفيذ


الورشه:
بسم الله الرحمن الرحيم
فستان طفله من 8 شهور لسنه
اول دور
نعمل 90 سلسه +3 سلسله اول عمود
2-نملى 90 سلسه بعمدان حتى النهايه وما نقفلش الدايره هنشتغل رايح جاى عشان هنسيب الظهر مفتوح لاننا هنركب ليه زراير ف الاخر



3-نبتدى نزود نشتغل عمود عمود 2 عمود حتى النهايه
4-الدور التالت نشتغل عمود عمود عمود 2 عمود ونكمل حتى النهايه
5- الدور الرابع نشتغل عمود عمود عمود عمود 2عمود حتى النهايه
6-بعد كده نشتغل اربعه اسطر من غير تزويد خالص
7- السطر التاسع نكمل تانى التزويد نشتغل عمود عمود عمود عمودعمود 2 عمود
8-السطر العاشر نعمل 6 عمود وفى العمود السبع نزود عمود معاه
9-السطر ال11 نشتغل 7عمود وفى التامن نزود عمود معاه
10-السطر 12نشتغل 8 عمود وف التاسع نزود عمود معاه

11- كده احنا خلصنا السفره نبتدى نقسم السفره الوش والظهر نفس المقاس والاكمام زى بعض يعنى انا طلع عندى الوش والضهر كل واحد فيهم 60 عمود والالاكمام كل واحد فيهم 67 عمود


12- قسمنا السفره زى الصوره ونشتغل صف عمدان لحد ما نوصل للسهم الى ف الصوره وما نكملش ع الاكمام لا نكمل ع الجهه التانيه من السفره انا كنت بتغل من ورا لقدام
هتبان ف الصوره بعنى هنقفل الوش مع الظهر ونسيب مكان الاكمام ما نشتغلش فيه ونكمل حتى نهايه السطر ونقفل بمنزلقه
نبتدى سطر تانى ب 3 سلسله ونكمل هنشتغل بقى الجزء الى تحت هنشتغل عمود عمود وبينهم سلسله من غير ما نسيب عمود تحت مكان السلسه
حتى النهايه
هنكرر السطر ده9 مرات
وف السطر العاشر هنعمل بين العمودين 2 سلسله بدل واحده عشان الفستان يوسع من تحت هنشتغل كمان 3 سطر بنفس الطريقه



نيجى بقى للكرانيش
هنشتغل عمود بلفتين وهنعمل عمودين ف كل عمود عشان يزيد عندنا الغررز هنخلص السطر ده
السطر الى بعده نشتغل بردو عمود بلفتيت بس من غير تزويد عادى
والاسطر الاخير هنعمل بردو من غير تزويد بس عمود ب3 لفات
واخر سطر الاحمر ده عباره عن كنار كده بسلسله ونصف عمود
ده الفستان

الورده


هنشتغل 10 سلسله ونقفلهم بمنزلقه وبعدين نملاهم اعمده 14 عمود
وبعدين دور تانى 14 عمود وبنهم 2 سلسله
وبعدين بتلات الورده عباره عن 6 سلسله وبعدين نعمل 3 عمود ب 3لفه وبعديد 6 سلسله بنصف عمود وكله ف عمود واحد وبعدين نطلع تانى 6سلسله و 3عمود ب3لفه وبعدها 6سلسله وننزل بنصف عمود ونكمل حتى النهايه ب7 بتلات
ونعمل مكان وردتين بس اصغر من دى ونلزقهم ع بعض
كده انا خلصت

مع السلامه

المشاركه الثانيه:

فستان بنوته صيفى سن من 6 اشهر الى سنه



فستان بسيط جدا بغرزة العمود بلفه و الغرزة المنزلقه

المقاس اللى معانا هنا اخد حوالى 150 جم من خيط القطن

بسم الله:

بنعمل سلسال بمقاس دوران صدر الطفله وهنا كان معانا 100 غرزة و بيزيد حسب دوران صدر الطفله


وبنشتغل 4 او 5 اسطر بالغرزة المنزلقه

السطر التالى عمود بلفه وبعد عمل 4 او 5 سطور نبدأ بتزويد عمود كل سطرين حتى يزيد اتساع الفستان


حتى الحصول عالطول المطلوب

وده شكل الصدر بعد ماحطيت عليه لولو ابيض


وبعد مانوصل للطول المطلوب بنشتغل طبقتين فوق الشغل من الخارج لعمل الكورنيش



بنشتغل فوق العمود عمود من الخارج داير حول الفستان
والطبقه التانيه زيها حتى يتكون الكورنيش
وبعد كده نعيد على كل طبقه كورنيش فوستونات عباره عن 3 عمود بمكان واحد و نقفلهم بغرزة منزلقه


وانتهت الورشه على خير

الف الف مبروك لكل اللى شاركو

ونتيجه التصويت المشاركه الاولى هى الرابحه بالمركز الاول

لزميلاتنا رورو

مبروك شحن الرصيد
ونزول فستانك في الكتالوج الجديد



والمركز الثانى

زميلتنا nano

مبروك ليكى يا قمر ونزل فستانك بالكتالوج الجديد

سيتم وضع اوسمه تحت اسمكم طول الشهر

بارك الله فيكم
ونتمنى ليكم التوفيق والمتابعه
وشكرا لكل اللى صوت في المسابقه هنا او على الفيس