دوره تعليم الكروشيه
للمبتدئاتتعالى معايا نبدا وحده وحده عشان نتعلم حاجه تفيدك وتفيد ولادك وجوزك واخواتك وكل اللى بتحبيهم
اللى فاضيه وعاوزه تستثمر وقتها في حاجه مفيده
واللى عاوزه تعمل حاجات لاولادها بايديها
تعالوا معانا نتعلم فن واصول الكروشيه
مع شاعره مصريه
الدرس الاول
هنبدا يا بنات في أول درس لتعلم الكروشيه
أنا هقولكم من واقع خبرتى القليله فيه
يعنى هشرحلكم مع ملحوظاتى الخفيفه اللى ممكن تلاقوها في الشغل
انواع الخيوطاول حاجه واهم حاجه نعرف انواع الخيوط
المهم عندى الوقتى انكم تعرفوا انى في للصيف وفي للشتا
يعنى في حرير وقطن دول صيفي لو عاوزه تعملى حاجه صيفي او ممكن المفارش لانها خيوط رفيعه
والصوف للشتاء طبعا
الحرير
الصوره دى لخيط الحرير ده ملفوف واحنا بقي بنفكه وبنعمله كوره كبيره عشان نشتغل
وده بيبقي رفيع خااااالص خاالص واحسن حاجه يتعمل بيها البلوزات المشبكه او الطرح الشبيكه
ودى صوره مجمعه لانواع الخيوط الصيفيه باحجامها كلها اللى ممكن تلاقيها في السوق او عند الراجل
الصوف
وده الصوف أعتقد الفرق واضح بينهم الوقتى
الاصواف منها الساده ومنها الجنجاه وهو تداخل الالوان
يعنى الخيط نفسه فيه اكتر من لون ورا بعضه
القطن
ده بكر صغير بيبقي فيه منه كل الالون وبردو تلاقي الجنجاه
وده البكر الكبير وبردو نفس الكلام
خيط الصياد
لكنت بيبقى ناشف فى الاول ولكن بعد الغسيل بيطرى فى الشغل
وده بينفع للمفارش وبردو للبلوزات الصيفي الشبيكه وكده
في خيوط اخرى بقي زى:
الموهير
شغله صعب شويه لان لو اتشغل لايفك ولكن لو اشتغلتيه تريكو بيبقى سهل فكه كتير
خيط رمش العين
الحيط ده ممكن نعمل منه بالكروشيه بلوزه للسهره
وفيه قطن فتلته معرجه هو القطن الفرنساوى وفيه قطيفه وهكذا
انواع الابراو اسم لها اخر وهو السناره
وتبداء احجامها من صفر الى 10 وكل خيط له مقاس السنارة الخاص به
وفي خيوط بيبقي مكتوب عليها رقم الابره اللى تشتغل بيها
وهسهلها عليكم لو خيوط رفيعه يبقي هنستخدملها ابره حجمها صغير وهكذا
ودى اشكالها
أنا بفضل السلستيل بتقعد معايا ومش بتتنى في الشغل
اللى على الليمين أستانلس
اللى على الشمال المونيوم
دمتم بخير
الخميس ديسمبر 29, 2011 1:14 am
