هاف بوت شاعره

موضوع: هاف بوت شاعره الإثنين مارس 05, 2012 12:37 am

السلام عليكم ورحمه الله وبركاته

ده هاف بوت رائع شوفته ونفذته
[ندعوك للتسجيل في المنتدى أو التعريف بنفسك لمعاينة هذا الرابط]

وده تطبيقي

هاف بوت شاعره 02032010

الوقتى هشرحه هاف بوت شاعره Lanaaa%20(1)

اول الخطوات اننا هنعمل قاعده الهاف بوت
زى اى قاعده بلارينا

هاف بوت شاعره 94

ده شكل اللى على اليمين لباترون القاعده
انا عملت ايه
اولا عملت سلسله طويله من كعب الرجل لغايه قبل ما تبدأى صوابع رجلك بالظبط كده
وبعد كده كملت الصفوف دوران زى الباترون
باللون الابيض
بعدها طلعت باللون البمبي صف عواميد عادى فوق كل غرزه
من غير زيادات من قدام عادى جدا بس دخلت من فوق السلسه عشان تبرز الفق بين النعل والباقي اللى فوق
من اول تانى صف هتبداى تقللي في الو اللى قدام كل عمودين تعمليهم مع بعض في وش البوت بس
السطر اللى بعده هتقللي بردو كل عمودين تعمليهم مع بعض يبقو واحد فوقهم بس
كل السطور اللى بعد كده نفس النظام بس كل سطى بتزودى على كل جنب عمودين تاخديهم بواحده
يعنى مثلا السطر الاول عملتى 12 عمود خلتيهم 6
السطر اللى بعده هيبقو 8 هتعملى بعده 10 واحد على كل جنب
لغايه متلاقي وصلتى لقصبه رجلك

بعدها هتعملى عواميد عادى من غير تقليل سطر واحد
السطر اللى بعده قللت عمود واحد بس من قدام قصبه رجلك في النص
وكررت الموضوع ده لغايه موصلت للطول اللى عاوزاه

عارفه وهرد عليطى