منتدى الايدي الذهبية
دعوه للانضمام لاسره منتدانا الحبيب
عزيزى الزائر الكريم.... زيارتك لنا أسعدتنا كثيرا....
ولكن لن تكتمل سعادتنا الا بانضمامك لاسرتنا لذا نرجو منك التسجيل
لتصبح من أسره منتدانا المتواضع منتدى الايدي الذهبيه ........




 
البوابةالرئيسيةاليوميةس .و .جبحـثالتسجيلدخول
اهلا وسهلا بكل اعضائنا وزوارنا نتمنى أن تجدوا معنا اجمل صحبه دنيا ودين

شاطر | 
 

 سلطاااااااااااااااااااااااااات اخر طعامه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr.heba
Admin
Admin


المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 29

مُساهمةموضوع: سلطاااااااااااااااااااااااااات اخر طعامه   الإثنين يناير 16, 2012 1:54 am




اهم حاجه انى كل ما اروح في مطعم
واشوف الاوبين بوفيه بتاع السلطات اتهبل عليه بصراحه
وقلت لازم ادور على طريقه عملها
ولما لقيتها قلت لازم انقلهالكم



سلطه الكول سلو


الطريقه كرنب مبشور او متقطع قطع صغيره +جزر مبشور
يضاف لهم الصوص وهو عباره عن
مايونيز + زبادي + خل + سكر + رشه ملح خفيفه قوي +شويه لبن صغيرين قوي


تكات نوسه

1- في طريقتين للكول سلو الطريقه الاولي بتبقي طريه شويه زي بتاعه كنتاكي تحسي كان الكرنب مسلوق لا هو مش مسلوق
هاقوللك علي السر
بتقطعي الكرنب طبعا صغير قوي علي قد ماتقدري
وترشي عليه السكر وذره ملح صغيره قوي
وتحطيه في مصفه
السكر والملح هايخلوا الكرنب ينزل الميه بتاعته
هاتستغربي من كميه الميه اللي نازله منه
وده بيخليه بعد كده يبقي طري ويشرب كويس من الصوص

الطريقه التانيه انك بتسيبي الكرنب زي ماهو وبيبقي مقرمش
ده بقي حسب زوقك انتي


2 - بالنسبه للصوص في ناس بتحط مايونيز بس
لكن انا بصراحه مش باحب ااكل معلقه مايونيز كامله كده في بقي
فباخفف المايونيز شويه بالزبادي مع شويه لبن حليب او لبن رايب
كده بيكون احلي واخف وكمان مش مكلف وخصوصا في العزومات باعمل منها كميات كبيره لانها اول حاجه بتتنسف


3-ممكن استبدال السكر بالعسل النحل بيدي طعم احلي

4- في حاجه اسمها باتر ميلك بتدي طعم احلي واحلي لو متوفره ممكن نضيفها او بدالها الكريمه اللباني او مش لازم خالص
بس كل دي حاجات بتدي طعم كريمي رائع

الروس سالاد



هي عباره عن خضار مشكل فاصوليا وجزر وبسله مسلوق
ويوضع عليه نفس الصوص بتاع الكول سلو


تكات نوسه

1- انا باجيب كيس خضار بسمه مشكل بدل وجع القلب يا دوب بيتسلق في ميه وملح

2- لازم نطلع الخضار علي ميه ساقعه فيها تلج فورا علشان يحتفظ باللون الاخضر الجميل
وده عامه مع اي خضار اخضر

سلطه البطاطس بالمايونيز

بطاطسايه مقطعه مكعبات ومسلوقه في ماء وملح
نضع عليها مايونيز +سكر+ خل + توم مفروم


تكات نوسه

1- السلطه دي طعمها بيبقي زي التوميه باظبط لان فيها توم ومايونيز وبتبقي جميله جدا جدا

2-لازم نقطع البطاطس قبل مانسلقها لان لو سلقناها صحيحه مش هانعرف نقطعها مكعبات وهاتتفرفت مننا

3- لازم البطاطس تكون سخنه يعني نصفيها من ميه السلق ونحط عليها علي طول المايونيز وباقي امكونات
علشان البطاطس وهي سخنه بتشرب اي حاجه تتحط عليها لكن لو بردت خلاص بتقفل المسام بتاعتها
وده بينطبق علي اي وصفه للبطاطس


4- ممكن نضيف بقدونس مفروم ونقلبه معاها وده حسب الزوق

وبجد 3 سلطات دول بلاقيهم في اى حته

سلطه الزبادي بالخيار

خيار مبشور +زبادي +نعناع ناشف +خل ولمون +سكر وملح


تكات نوسه

1- الخيار لما بيكون مبشور من غير قشره بيبقي احسن

2- النعناع الناشف يفرك بالايد كويس قوي لحد مايبقي زي البودره
وهو مهم لاعطاء طعم رائع

التوميه


علب زبادي+ 2 فصوص توم+ معلقتين مايونيز+ ملح و فلفل


نحط كل المقادير على بعض

نضربهم كلهم في الخلاط


تكات نوسه


1- التوم لازم يكون مفروم من الاول علشان مايعملش كتل صغيره

2- مانضربش كتير في الخلاط علشان المايونيز مايفكش


نشكر الاخت نوسه على تقديمها للوصفات الحلوه دى بجد


كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
رورو
عضوه ذهبيه نشيطه
عضوه ذهبيه نشيطه


المزاج :



عدد المساهمات : 164
نقاط : 180
تاريخ التسجيل : 10/02/2012

مُساهمةموضوع: رد: سلطاااااااااااااااااااااااااات اخر طعامه   الأربعاء سبتمبر 05, 2012 2:45 am

حاجات جميل تسلم ايديكى
الرجوع الى أعلى الصفحة اذهب الى الأسفل
جدة نوبية
عضوه ذهبيه نشيطه
عضوه ذهبيه نشيطه


المزاج :
المهنه :
عدد المساهمات : 226
نقاط : 250
تاريخ التسجيل : 31/10/2013
العمر : 66

مُساهمةموضوع: رد: سلطاااااااااااااااااااااااااات اخر طعامه   الأحد نوفمبر 10, 2013 1:11 am

الرجوع الى أعلى الصفحة اذهب الى الأسفل
 
سلطاااااااااااااااااااااااااات اخر طعامه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الايدي الذهبية :: قسم المرأه الذهبيه :: المطبخ العصرى-
انتقل الى: