منتدى الايدي الذهبية
دعوه للانضمام لاسره منتدانا الحبيب
عزيزى الزائر الكريم.... زيارتك لنا أسعدتنا كثيرا....
ولكن لن تكتمل سعادتنا الا بانضمامك لاسرتنا لذا نرجو منك التسجيل
لتصبح من أسره منتدانا المتواضع منتدى الايدي الذهبيه ........




 
البوابةالرئيسيةاليوميةس .و .جبحـثالتسجيلدخول
اهلا وسهلا بكل اعضائنا وزوارنا نتمنى أن تجدوا معنا اجمل صحبه دنيا ودين

شاطر | 
 

 سلوبت للاطفال رائع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: سلوبت للاطفال رائع   الإثنين يناير 02, 2012 1:42 pm

السلام عليكم ورحمه الله وبركاته

ده السلوبت الاصلي


وده تطبيقي


كنت عاملاه في منتدى تانى فتكات وده صوره لتطبيق البنات اللى اشتركو
ممكن تاخدى فكره لتزويق السلوبت بتاعك بطريقه مختلفه
والبنات ما شاء الله عليهم عملو مجهود رائع
تطبيقات البنات:













تابعو الورشه Laughing


عدل سابقا من قبل heba sha3era في الإثنين يناير 02, 2012 2:43 pm عدل 1 مرات
الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: ورشه السلوبت   الإثنين يناير 02, 2012 1:52 pm

طريقه عمل السلوبت


احنا هنعمل ان شاء الله سلوبت للبيبي او لطفل
انتى هتشوفي عاوزه تعمليه لمين وهاتى مازوره وقيسي وسطه
او لو مش عندك مازوره هاتى خيط ولفيه حولين وسطه وبردو اعرفى المقاس

الوقتى عاوزين نعمل حسابنا على حاجه لما تقيسي مش تزنقي اوى لازم تدى وسع من عندك
مساحه 5 سم او حتى عقله صباع ده للتسهيل عشان ميكونش مزنق عليه
كمان بردو ملحوظه لو هتعملى لبيبي او لطفل صغير اوى لازم تعملى حساب البامبرز لانه بياخد مساحه كمان
يعنى قيسيه مثلا وهو لابسه

كده تمام عرفنا اول خطوه وهو المقاس

الادوات اللى هنستخدمها :

خيط صوف لو عاوزاه شتوى وقطن لو عاوزاه صيفي
شريط ستان تقريبا 2 متر بلون مناسب للون الخيط اللى انتى عاوزاه
زراير عددها 4 بردو بالشكل اللى تحبيه واللون كمان

لو صيفي هتجيبي خيط قطن والابره عشان يطلع معاكى حلو هاتيها سلستيل رقمها 2 هتطلع جميله ان شاء الله

اما لو شتوى هتجيبي صوف عادى والابره عندك لو الصوف لاقتيه تقيل او الفتله تخينه كده يبقي هاتى ابره 4
يطلع معاكى مريح
لو صوف رفيع يبقي رقم 3 حلو تمام كده

انا هعمل المقاسات على اساس حديث الولاده
لكن لو انتى عاوزه اكبر يبقي كبرى المقاسات او قيسيها افضل بالمازوره

اما بالنسبه لكميه الخيط هقولك
لو قطن في بكره كده بتبقي كبيره



هى دى دى تكفيكى للسلوبت كله ما شاء الله وممكن يتبقي كمان

اما بالنسبه للصوف فعندك كذا حجم بس عموما السلوبت مدام لحديث الولاده
يبقي كفايا بكرتين اوى اوى من الحجم ده


الوقتى هنبدأ الورشه

احنا هنعمل ان شاء الله سلوبت للبيبي او لطفل
انتى هتشوفي عاوزه تعمليه لمين وهاتى مازوره وقيسي وسطه
او لو مش عندك مازوره هاتى خيط ولفيه حولين وسطه وبردو اعرفى المقاس

الوقتى عاوزين نعمل حسابنا على حاجه لما تقيسي مش تزنقي اوى لازم تدى وسع من عندك
مساحه 5 سم او حتى عقله صباع ده للتسهيل عشان ميكونش مزنق عليه
كمان بردو ملحوظه لو هتعملى لبيبي او لطفل صغير اوى لازم تعملى حساب البامبرز لانه بياخد مساحه كمان
يعنى قيسيه مثلا وهو لابسه

كده تمام عرفنا اول خطوه وهو المقاس
بالنسبه للى مش عارف مقاس البيبى هقولك تعمل كام سلسله بالظبط
المقاسات دى للمولود ماشي :
عدد السلاسل اللى هتعملوها

لو هو قطن للصيف لبيبي حديث الولاده تقريبا اعملى عدد السلاسل 115 سلسله

اما لو هو صوف للشتاء ولبيبي حديث الولاده اعملي عدد السلاسل 90 سلسلهده لو صوف تخين
لكن لو صوف مثلا الصينى الرفيع ده خلوه 93 او 95 تمام

الوقتى هنبدا في العمل

أول حاجه هتعملى الطول اللى اخدتيه بالمازوره او بالخيط على هيئه سلاسل
يعنى تعملى غرزه السلسه لغايه ميبقي مطابق للطول اللى انتى عاوزاه تمام
وخلى ايدك مرحرحه في السلاسل متشديش لخيط اوى تمام كده
وبردو لفي السلاسل على وسطه وشوفي تمام كده ولا تزودى
دى صوره السلسله بس طول نموزجى مش الطول اللى هتعملوه



بعد كده هتقفلى السلسله زى الدايره بغرزه اسمها الغرزه المنزلقه


وبعد ما قفلتى الدائره هتطلعى 3 سلاسل وده ارتفاع غرزه العمود



وبعد كده هتدخلى في الفتحه اللى بعدها وتعملى عمود وهكذا وتكملى الصف كله
لغايه مترجعى للسلاسل بتاعت الارتفاع وتقفلى الصف
وهكذا تفضلي تعملى صف ورا صف لغايه متكونى قطعه مقاسها
من وسط البيبي لغايه حجره عشان نبدأ نفرق فرقه الارجل ده لو البيبي معاكى وهتقيسي عليه
لكن لو بيبي حديث الولاده ومش عارفه كام صف اقولك
تبقي اعملى 10 صفوف ولو قطن خليهم 12 او 13
تمام

وخليها مرحرحه شويه عشان البامبرز ماشي


تمام كده دى الخطوه الاولى
خلصيها وكملى معايا ان شاء الله

ودى الصوره بتاعت شغلى


عملت صفوف من الاعمده زى ما قلتلكم وخلاص وقفت عند حد معين

تابعونى
الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: الدرس الثانى   الإثنين يناير 02, 2012 4:27 pm

نكمل يا حبايبى

الوقتى احنا عملنا في الاول نفتكر مع بعض
عملنا سلسله طويله وقفلناها زى الدائره بغرزه منزلقه تمام
وبعد كده
طلعنا بصفوف بغرزه العمود
انتى بقي هتشوفى الصفوف دى المقاس بتاع طول يكفي من اول الوسط لغايه قسمه رجليه
فاهمنى يعنى عند حجره كده لو عاوزه تقيسيها على مقاس مثلا هاتى بنطلون من هدوم البيبى
وقيسي عليها او لو مش عارفه مثلا
مش عارفه البيبي مقاسه ايه
اعملى مثلا على اساس المقاسات اللى قلتهالها
على المولود الجديد
تبقي اعملى 10 صفوف لو صوف ولو قطن خليهم 12 او 13
تمام
بعد كده ركزو معايا بقي احنا الوقتى المفروض وصلنا للحجر
هنعمل ايه
انتى عندك الشغل زى القطعه المستطيله
هنعد الغرز وهنقسم الشغل لحتتين متساويتين
يعنى تخيليها رجلين المفروض يكونو اد بعض
عاوزه تقيسيهم بالمازوره او المسطره براحتك انا عشان اتاكد بعد الغرز عشان اجيب النص
لما تحدد الغرزه اللى في النص علميها باى حاجه حطى دبوس او اعرفي رقمها انتى حره

زى الصوره دى


شوفتوها
الصوره دى متقدمه شويه وريتك هتعملى ايه
هشرحلك بقي انتى هتلاقي المنتصف زى ما مبين في الصوره وعلمتيها خلاص
هتيجي بقي مثلا انتى حددتى هتعملى 10 صفوف زى ما قلنا مثلا

هنيجي بقي في الصف ال 11 هنطلع عادى 3 سلاسل بتوع الارتفاع وبعد كده نمشي عمود لغايه المنتصف اللى حددناه
تمام بدل بقي مندخل في غرزه المنتصف هتدخلى في الغرزه المقابله لاخر غرزه عملتيها بس من الوجه التانى بتاع الظهر فاهمانى
انتى كده فصلتى الرجلين هتكملى الدوران بتاع الرجل وهكذا
يعنى القصد ايه بدل منتى هتشتغلى زى العادى اللفه كلها هتقسميها هتلفي نص لواحده ونص لواحده تمام

انا مش هكمل غير لما اطمن على الجزءيه دى
انها اتفهمت

بصو بقي هتمشو الرجل لغايه 6 صفوف وتقفي واستنى هقولك تعملى ايه
ماشي
الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: الدرس الثالث   الإثنين يناير 02, 2012 4:34 pm

الدرس الثالث

ها يا بنات ايه الاخبار

الوقتى هنكمل الرجل :

لما بنعمل الرجل بنيجي في الوسط او قرب الاخر للطول اللى احنا عاوزينه
وبنقلل غرزه ليه عشان يطلع الشكل بتاع الارجل ملوى شويه فيعمل شكل حلو

هنعملها ازاى بقي

اولا احنا جينا خلصنا 6 صفوف من غرزه العمود
هنيجي في الصف السابع وهنطلع عادى 3 سلاسل
ونفضل نمشي الصف عادى لغايه منيجي في النص اللى هو الناحيه اللى جوه
او منتصف الشغل( يعنى مثلا مثلا عدى غرز الرجل لو مثلا 390 عمود يبقي الغرزه اللى هتقللى فيها رقم 15) ونطنش غرزه المنتصف وندخل في اللى بعدها او تبقي احسن او الغرزه بتاعت العمود عملتى لفه على الابره ودخلتى السلسله وجبتى لفه تانيه بعدها اخدتى لفه ودخلتى جوه اتنين
وبس سيبي بقي اخر خطوه يعنى هيبقي عندك لفتين على الابره خدى لفه بقي وخشى في السلسله اللى بعدها
واعملى عادى بقي كل اتنين خديهم بلفه دى يا جماعه طريقه التقليل
يبقي كده انا نقصت غرزه فيطلع الشكل مايل
هنعمل الحكايه دى مش في كل صف عشان كده الشغل هيديق منك اوى

هنعملها في صف 7 ونمشي ال8و9 كويس عادى نعمل كل الغرز
ونيجي على 10 نعمل زى ال7 وهكذا
وتقريبا في الصف 13

يعنى صف تقللى غرزه وصفين عاديين

وبكده تقفلى شغلك على كده

والرجل التانيه نفس النظام
تمشي زى الاولانيه بالظبط
لو عاوزه تزوقي شغلك بالستان يبقي هتكملى لغايه الاخر بنفس اللون
لكن لو عاوزه تدخلى لون تانى يبقي اخر صفين هيبقي شكله حلو اوى

لما تخلصي الرجلين الاتنين هتلاقي فتحه في النص بينهم الفرقه دى
هتقلبي البنطلون وتخيطيها
بس ياريت تجيبي ابره اسمها ابره كانفا دى ابره عاديه ابره خياطه بس بتكون فتحتها واسعه وبوزتها مش مدببه
دى هتخدمنا انى هتخيطى بالصوف او خيط القطن بتاع الكروشيه اللى انتى عامله منه السلوبت
ده بيخلى الفتحه متفتحش خالص
او ممكن تقلبي الشغل وتشتغلى على الجنبين كانك بتشبكى بغرزه منزلقه

الميزه :انى الخياطه بتستحمل ومش بتفك
وبتبقي ماتينه وهنستخدمها في حاجات كتير
يعنى هاتى الابره دى وحطى الخيط اللى بنشتغل بيه بدل الخيط العادى
وخيطى عادى

دى صوره رجل واحده

كده خلصنا البنطلون

الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: الدرس الرابع   الإثنين يناير 09, 2012 1:49 am

الوقتى بقي كملنا البنطلون هنعمل ايه
هنقلب الشغل هنيجي عند فوق عشان نعمل حته الصدر
هتيجي زى الصوره دى



المهم يكون الجنبين متساويين عشان يطلع شكله حلو ومظبوط
ومش لازم يكون الصدر عريض اوى خلوه متوسط
زى الصوره بتعات السلوبت اللى بنقلده


وهتطلعو مثلا كذا سطر لغايه متحسي انه بقي شكله حلو كده
انا عملت مش كتير زىما انتم شايفين في الصوره 10 صفوف تقريبا
وبعدها هنعمل الذراع
هتيجي عند الجنبين الزراع عرضه 4 او 5 سلاسل زى ما تحبي عريض او رفيع
براحتك
واعمليه طويل لانى احنا هنشبكه ورا في الظهر بالعكس
عشان الحملات مش تسقط من البيبي كل شويه
كمان ده هيديله مساحه انى لو كبر شويه ممكن تطوليله الذراع

ودى صوره السلوبت لما كملنا الذراعين وشبكناهم من ورا

هتيجي من ورا وتحطى زرارين فوق بعض وفي نفس المحازاه الناحيه التانيه زى الصوره


بعدها نبدأ نذوق السلوبت براحتنا

عاوزه اشوف شغلكم يا بنات يالا
التزويق المره الجايه

تابعونى يا حبايبي


كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: تزويق السلوبت   الإثنين يناير 09, 2012 1:56 am

هنا بقي هنزو السلوبت

طبعا هو بيختلف لو انتى عاوزاه لولد او بنت واعتقد انى في امثله كتير جدا جدا للتزويق من نماذج الصور اللى حطيتها من عمايل البنات
لكن في الصوره الاساسيه



بشريط ستان في النص لبنى عمل فيونكه
ومن فوق عمل خطين ابيض ممكن تعمليهم وسط الشغل عواميد يعنى تدخلى اللون
تمام
وممكن تعملى زى التطبيق بتاعى وتعملى شرايط ستان تمام

وفي الرجل نفس الكلام عمل خط ابيض في كل رجل

ممكن بقي تدخلى شكال تانيه زى وش دبدوب وممكن ورود وممكن تعملى وش قطه وممكن شمس عباره عن دواريه صفرا وشراشيب من حواليها كلها
وفي اشكال كتيره تانيه انتى وزوقك

وهنا في ورش وباترونات لعمل ورود وقلوب مكن تنفع

ده شغلى


وده عمل الفيونكه





كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: سلوبت للاطفال رائع   الجمعة يناير 13, 2012 6:05 am

تكمله الشرح

شرح البادى :


دى صوره البادى يا جماعه اللى هنعمله ان شاء الله
هو بادى كنت عاملاه يا جماعه هو مش بتاع السلوبت
بس هشرحلكو طريقته عشان هو شيك وهيبقي حلو على السلوبت

يالا يا بنات كل واحده تشوف هى عاوزه البادى لون ايه وتجهز الصوف
او القطن حسب ما هيه شغاله

كمان لو مش عاوزاه بزراير من قدام قولولى رايكم
وانا هقولكم النظام ماشي ازاى فيه ان شاء الله

والبداى يا جماعه عباره عن غرزه الصدفه وعواميد

واللى ميعرفش غرزه الصدفه
أهه شرحها


# شرح غرزة الصدفه : وهي عبارة عن ( عدد من غرز العمود ثمّ عدد من السّلاسل ثمّ نفس العدد من غرز العمود ) في نفس المكان سواءَ كان في نفس الغرزة أو في نفس الفراغ

- وقد تكون غرز العمود ( عمود أو عمود ذو لفّتين أو عمود ذو ثلاث لفّات ). كذلِك قد يكون عددها 2 أو ثلاثة أو أربعة حسب الباترون.

صورتهـا ..


- وفي هذا الرّمز عبارة عن غرزة صدفة تتكوّن من ( غرزتيّ عمود ، 1 سلسلة ، غرزتيّ عمود ) في نفس الغُرزة.



- أمّا هذا الرّمز فهو غرزة صدفة تتكوّنن من ( ثلاث غرز عمود ، 2 سلسلة ، 3 غرز عمود ) في نفس الفَراغ.


وده طبعا فيه فرق بينه وغرزه المروحه بالمره اقولكم الفرق ايه


# شرح غرزة المروحة : هي عبارة عن ( 5 غرز أو 7 أو 9 ) في نفس المكان

صورتها ..

اللى عاوزه ده واللى عاوزه ده دى حاجه ترجعلك

يالا تابعونى واشتركو معايا في رايكم


كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: سلوبت للاطفال رائع   الجمعة يناير 13, 2012 6:12 am

طريقه البادى

اولا احنا هنعمل طريقه البادى من غير زراير :

هتاخدى مقاس ال 60 سم اللى هوه وسط البيبي المولود
لو انتى بتعملى لسن اكبر يبقي كبرى عن كده

هتعملى سلاسل طول ال60 سم
وتقفليها بمنزلقه بعدها تطلعى بغرزه العمود صف واحد


دى صوره كمثال للى هتعمليه
سلاسل وتطلعى عليه بعمود


عدها هتمشي الشكل ده

5 عواميد + هتسيبي سلسلتين وتدخلى في الثالثه (عمودين +سلسله+عمودين)تسيبي سلسلتين وتدخلى في الثالثه
تعملى 5 عواميد وهكذا زى الصوره دى


هتعملى 16 صف على نفس النمط وتقفي


كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
جدة نوبية
عضوه ذهبيه نشيطه
عضوه ذهبيه نشيطه
avatar

المزاج :
المهنه :
عدد المساهمات : 226
نقاط : 250
تاريخ التسجيل : 31/10/2013
العمر : 67

مُساهمةموضوع: رد: سلوبت للاطفال رائع   السبت نوفمبر 02, 2013 6:18 am


وانا بذاكر السلوبيت الحمد لله وجدت بالشرح وفرحت جدا Twisted Evil ( هتاخدى مقاس ال 60 سم اللى هوه وسط البيبي المولود)

ولأننى لسه منتظرة الحفيد وما اعرفش مقاسات البيبى ويارب يتمم  وصوله على خير ولذلك رديت على كل المواضيع بالشكر والتقدير وبعدين بذاكر

واحدة واحدة وكل ما سأنهى عمل سأصوره وأضعه هنا وأشكرك كتير أدبيا على تعليمك لنا بضمير


   

Mad 
الرجوع الى أعلى الصفحة اذهب الى الأسفل
 
سلوبت للاطفال رائع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الايدي الذهبية :: شركه golden handmade :: موديلات الكتالوج وطريقه عملها-
انتقل الى: