ورشه مفرش سرير او بطانيه خرافه

البطانيه دى فوق الرائعه بالوانها وغرزتها
ومكن تتعمل مفرش سرير كمان





وممكن طبعا تعمليه مربعات صغيره وتشبكيها وممكن تعملي مفرش كبير زي اللي فوق ده




بسم الله الرحمن الرحيم
نبدا بعمل 5سلاسل منقفلهم بغرزه منزلقه لتكوين حلقه


السطر 1- اطلعي ب3سلاسل وبعدين 4عمود بلفتين مجمعين في عنقود (كلوستر)



بعد ماتجمعي ال4عمود بتعملي غرزه سلسله للتثبيت ثم 3سلاسل


ثم اعملي غرزه منزلقه في الحلقه


في الصوره دي
رقم 1هو الحلقه اللي بنشتغل فيها المكونه من 5سلاسل
رقم 2اللي يالاحمر هي ال3سلاسل اللي ارتفعتي بيها بعد عمل العنقود ثم بتعملي غرزه منزلقه في الحلقه
رقم 3 العنقود اللي عملتيه
الخطوه التاليه
(بتعمل 3سلاسل وتعملي عنقود تاني في الحلقه ثم 3سلاسل وتعملي منزلقه في الحلقه )
وتكرري مرتين كمان
وفي الاخر حايكون عندك 4عنقود واخر غرزه حاتكون منزلقه في الحلقه وكده السطر ده خلص



نكمل

نكمل باذن الله واهلا بيكي يازهره المحب
السطر التالي بدايته انك بتلفي الخيط لفتين علي الابره لعمل عمود ثلاثي بس فين
في اول عنقود بيقابلك فاكره السلسله اللي عملتيها بعد ماضميتي ال4عمود مع بعض
في السلسله دي حاتعملي 10 عمود بلفتين


ثم غرزه منزلقه في الحلقه بين العنقود اللي عملتي فيه ال10 عماويد والعنقود الذي يليه



عمود بلفتين في السلسله للتثبيت اللي مع العنقود التالي واقفلي بغرزه منزلقه في الحلقه الاساسيه وكرري كمان مرتين
كده السطر الثاني خلص وده اساس شغل الغرزه وحايكون معانا 4صدفات للاركان ومنها الغرزه حاتزيد وتتسع

وده شكل السطر لما خلصناه واقفلي واقطعي الخيط



السطر 3-
وصلي اللون الجديد في ثامن عمود من ال10 عماويد في اي ركن (ده شرح الفيديو)بس فيه طريقه تانيه انك تسيبي 3عمود من ال10عمود وتوصلي الخيط للعمود الرابع
انا حااشرح تبع الفيديو
وصلي الخيط في ثامن عمود من ال10 عماويد من اي ركن من خلف الشغل



واعملي 3سلاسل

اعملي عمود خلفي بلفتين في نفس العمود اللي عملتي فيه ال3سلاسل بدون ماتنهيه يعني سيبي اخر لوب علي الابره


وكرري مع العمود التاسع وسيبي اخر لوب كده عندك 3لوب

وده للتوضيح للخطوه السابقه اكتر علي الابره 8لوبات


بتاخدي له وتعملي غرزه تلم ال7عمود مع بعض( عنقود)


وبعدين تعملي سلسله تثبيت (غرزه واحده) المشار اليها بالرقم1


وبعدين اعملي3سلاسل المشار اليها بالسهم



واعملي غرزه منزلقه في اخر غرزه عملتيها (مع اخر عمود خلفي في ال7عمود)


ثم 3سلاسل واعملي في العمود الرابع والخامس والسادس والسابع من المجموعه دي اعملي عمود بلفتين خلفي في كل عمود منهم


ثم اقفلي بغرزه تثبيت ثم اعملي 3سلسله واشتغلي غرزه منزلقه مع قاعده اخر عمود خلفي اشتغلتيه
ثم3سلاسل واعملي 7عمود خلفي بلفتين زي الخطوه اللي قبل السابقه وكرري 4عمود ثم7عمود وينتهي السطر ده بغرزه منزلقه في قاعده اخر عمود خلفي اشتغلتيه
وده شكل العمل بعد ماخلصنا السطر ده

وتلاحظي التالي
الرقم ا يشير للمجموعه المكونه من 4عمود ودي حاتكون الاركان وحاتكون ثابته يعني 4 اركان علي طول لعمل الشكل المربع
الرقم 2 بيشير للمجموعه المكونه من 7عمود ودي بتشير للسطر وبيزيد عددهم في كل سطر
يعني في السطر ده حاتلاقيهم مجموعه واحده بين كل ركنين والسطر اللي بعده او تكوين الغرزه اللي بعده بيكونوا مجموعتين بين كل ركنين وهكذا الزياده بتكون في عدد المجموعات

ونكمل السطر الاخير في الشرح الاساسي
السطر -4
دلوقت انتي قفلتي السطر اللي فات بغرزه منزلقه في قاعده اخر عمود خلفي اشتغلتيه
بتلفي الخيط مرتين علي الابره (لعمل عمود بلفتين) وتدخلي الابره في سلسله التثبيت التاليه (اللي في قمه اول مجموعه تقابلك ) وتعملي 6عمود بلفتين ثم غرزه منزلقه في الغرزه اللي بين المجموعه اللي بتعملي في قمتها ال6عمود والمجموعه اللي بعدها(في السطر السابق يعني)




ونكمل السطر الاخير في الشرح الاساسي
السطر -4
دلوقت انتي قفلتي السطر اللي فات بغرزه منزلقه في قاعده اخر عمود خلفي اشتغلتيه
بتلفي الخيط مرتين علي الابره (لعمل عمود بلفتين) وتدخلي الابره في سلسله التثبيت التاليه (اللي في قمه اول مجموعه تقابلك ) وتعملي 6عمود بلفتين ثم غرزه منزلقه في الغرزه اللي بين المجموعه اللي بتعملي في قمتها ال6عمود والمجموعه اللي بعدها(في السطر السابق يعني)
اضغطي هنا لمشاهدة الصورة بحجمها الأصلي

ثم لفي الخيط مرتين علي الابره (لعمل عمود بلفتين) وفي قمه المجموعه التاليه اعملي 10 عمود بلفتين (المجموعه دي عند الركن ودايما حاتعملي يها10 عمود )
اضغطي هنا لمشاهدة الصورة بحجمها الأصلي


كرري واعملي 6عمود في المجموعه التاليه (دي السطر وحاتزيد عدد المجموعات كل ماكبر الشغل )
ثم 10 عمود بلفتين في المجموعه اللي بعدها وهكذا لغايه السطر مايخلص واقفلي بمنزلقه واقطعي الخيط ووصلي اللون التالي
وتلاحظي ان الخيط بتعملي بيه سطرين وتغيري اللون
وكرري السطر 3و4 مع ملاحظه ان مجموعات السطور بتزيد والاركان بتكون ثابته
وكل غرزه وانتوا طيبين

شكر خاص جدا لام قسمت على شرحها وورشتها

منقوله