منتدى الايدي الذهبية
دعوه للانضمام لاسره منتدانا الحبيب
عزيزى الزائر الكريم.... زيارتك لنا أسعدتنا كثيرا....
ولكن لن تكتمل سعادتنا الا بانضمامك لاسرتنا لذا نرجو منك التسجيل
لتصبح من أسره منتدانا المتواضع منتدى الايدي الذهبيه ........




 
البوابةالرئيسيةاليوميةس .و .جبحـثالتسجيلدخول
اهلا وسهلا بكل اعضائنا وزوارنا نتمنى أن تجدوا معنا اجمل صحبه دنيا ودين

شاطر | 
 

 عمل لانجيري الاناناسه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: عمل لانجيري الاناناسه   السبت مارس 03, 2012 11:33 pm



ورشه جميله------ لانجيري



فيه منه موديلات كتير
يعني مايوه او فستان بيت او مايوه وعليه جيبه قصيره
ممكن حمالات عاديه او حمالات كروس علي الضهر


ملاحظات:
ممكن تجيبي150 جرام لو الخيط رفيع وبيرمي كويس
وفيه نوع بالجرام فتلته وسط
ده عملت منه ونتيجته حلوه جدا

الخيط لما يكون رفيع مش بيدي ارتفاع
وبعدين الاناناسه بتكبر حسب بدايتها
يعني انتي بتبدئيها مثلا ب10 دوبل عمود
ال10 غماويد بتعملي بينهم 9لوبات
لما تمشي بيها بقي اللوبات بتقل كل سطر افرضي مثلا 9 سطور
ال10 سطور دي مع الخيط الرفيع حايكون ارتفاع مش كتير
لو تزودي عدد العماويد للبدايه تزودي عدد اللوبات وتكبري حجم الاناناسه وارتفاعها بس احسبيها علشان مش تكبر ويكون جسم المايوه مهدل
يعني احسبي السطر من اللوبات =قد ايه افرضي انا نص سم
احسبي بقي الطول اللي انتي عايزاه للاناناسه واعملي عدد العماويد علي الاساس ده

هنبدأ الورشه
تابعونا


كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: عمل لانجيري الاناناسه   الجمعة مارس 09, 2012 6:56 pm

بسم الله الرحمن الرحيم

باذن الله اشرحه زي ماعملته وطبعا فيه اختيارات كتير لعمله

انا بدات من عند الخط الفوشيا في الباترون وطلعت لفوق مع السهم الاحمر وفي الحدود بين السهمين


تابعونااااااااااااااااا
بتاخدي مقاس المنطقه دي من الجسم


عدد الغرز بيقبل القسمه علي 3 واعملي حسابك ان العدد حاتقسميه علي 2 وتسيبي 6غرز في النص

كده


ارجو ان الشرح يكون مفهوم

واعملي اول سطر سطر القاعده يعني نص عمود (انا عملته حشو)

وبعد كده نمشي علي الباترون سطر سطر


انا بدات علي 90 غرزه

وعملت دور غرزه حشو




في نعمل 3سلاسل ونلف وفي نفس الغرزه نعمل( عمودين-سلسله-عمودين)-ثم سلسلتين وسيبي غرزتين من السطر السابق وكرري مابين القوسين في الغرزه الثالثه ثم سلسلتين ونسيب غرزتين من السطر السابق ونعمل غرزه حشو في الغرزه الثالثه
*ثم 5سلاسل
وسيبي غرزتين من السطر السابق واعملي غرزه حشو في الغرزه الثالثه *



وكرري مابين العلامتين بحيث تعملي 12لوب

طبعا العدد بيختلف تبعا لغرز بدايتك
كده خلصتي نص السطر وحايكون امامك ال6غرز اللي في النص



حاتعملي فيها الاتي
سلسلتين-سيبي غرزتين من السطر السابق واعملي (عمودين -سلسلتين-عمودين )في الغرزه الثالثه ثم سلسلتين وسيبي غرزتين واعملي غرزه حشو في الغرزه الثالثه



كرري بقي 5سلاسل وتسيبي غرزتين وتعملي غرزه حشو في الغرزه الثالثه 12 مره ثم مروحتين زي مراوح البدايه بالظبط وتنهي السطر بعمود



وده شكل السطر لما تخلصيه
[img][/img]


كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: عمل لانجيري الاناناسه   الجمعة مارس 09, 2012 6:56 pm

السلام عليكم ورحمة الله وبركاته
ونكمل
السطر الثاني
بتبدئي ب3سلاسل ثم مروحتين مثل السطر السابق


ثم سلسلتين وغرزه حشو في اول لوب مكون من (5سلاسل ثم 5سلاسل وغرزه حشو في اللوب التالي)
وكرري لغايه ماتوصلي للمروحه اللي في النص واستنيني هههه
اعملي سلسلتين ثم (عمودين-سلسله-عمودين-سلسله-عمودين)
في اللوب اللي في الوسط بين المروحتين من السطر السابق
ثم سلسلتين وغرزه حشو في اللوب المكون من 5سلاسل التالي


كملي 5سلاسل وغرزه حشو في اللوب من السطر السابق وينتهي السطر بمروحتين زي اللي في السطر السابق ثم عمود في اخر غرزه ولفي
السطر الثالث من الموتيف
ابدئي
ب3سلاسل ثم مروحتين ثم سلسلتين وغرزه حشو في اللوب المكون من 5سلاسل من السطر السابق
ثم 5(سلاسل وغرزه حشو في اللوب التالي)وكرري مابين القوسين حتي تصلي الي مروحه المنتصف وشغليها واتهوي شويه ههههه

اعملي سلسلتين ثم(عمودين سلسله عمودين )في اول لوب مكون من سلسله (ثم سلسلتين ثم(عمودين -سلسله-عمودين )في ثاني لوب ثم سلسلتين وغرزه حشو في اللوب التالي المكون من 5سلاسل
وكملي السطر (5سلاسل غرزه حشو)حتي النهايه وانهيه بمروحتين زي اللي في السطر السابق ثم عمود في اخر غرزه
السطر الرابع

ابدئي ب3سلاسل ثم مروحتين مثل السطر السابق
ثم سلسلتين وغرزه حشو في اللوب المكون من 5سلاسل التالي ثم (5سلاسل ثم غرزه حشو في اللوب التالي ) وكرري لغايه المروحه الوسطي واستني

اعملي سلسلتين ثم (عمودين -سلسله- عمودين)في اول لوب
ثم عمودين -4سلاسل-عمودين في اللوب التالي(المكون من سلسلتين بين المجموعتين) ثم عمودين سلسله عمود في اللوب التالي
ثم سلسلتين وغرزه حشو في اللوب التالي المكون من 5سلاسل ثم (5سلاسل ثم غرزه حشو في اللوب التالي)
وكرري حتي اخر السطر
انهيه بمروحتين مثل السطر السابق ثم عمود في اخر غرزه

شوفي ده شكل اللي قبل مروحه الوسط
غرزه حشو ثم سلسلتين وتبدئي المروحه

سلسلتين ثم غرزه حشو في اللوب التالي ثم 5سلاسل ثم غرزه حشو في اللوب التالي وهكذا
اللي قبل المروحه كده برضه بس ده اخد حقه في التصوير شويه هههههه

السطر الخامس
بنبدا عادي برضه ب3سلاسل ثم مروحتين ثم سلسلتين وتعملي اللوبات بتاعتك
لغايه ماتوصلي لمروحه الوسط
بتعملي في اللوب الاول( عمودين-سلسله-عمودين)
بتعملي في اللوب الاوسط المكون من 4سلاسل 14 عمود بلفتين
ثم في اللوب الثالث (عمودين-سلسله-عمودين)

وتكملي السطر عادي زي مااتعودنا وتنهيه بمروحتين ----ثم عمود في اخر غرزه


هنا بقي فيه شويه ملحوظات
1- ان السطر بدا يستقيم بعد ماكان محني في السطور الاولي علشان كده مش تتخضوا من انحناء السطر

2-عدد اللوبات بيقل كل ماطلعنا لغايه مايخلصوا خالص زي ماهو باين في الباترون ومفروض يكونوا بيقلوا معاكوا
3- عدد الاعمده اللي في المروحه الوسطي في السطر الخامس ممكن يتغير حسب رغبتك في تكبير او تصغير حجم الاناناسه وطول المايوه


كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
هبه4
عضو جديد
عضو جديد


المزاج :
عدد المساهمات : 4
نقاط : 4
تاريخ التسجيل : 24/03/2012

مُساهمةموضوع: رد: عمل لانجيري الاناناسه   السبت مارس 24, 2012 2:00 am

ورشه جميله انا عملت اللانجيرى ده وعملتله زى جيب كده صغير بتربط من الخلف بالتوفيق فى باقى الورشه
الرجوع الى أعلى الصفحة اذهب الى الأسفل
هبه4
عضو جديد
عضو جديد


المزاج :
عدد المساهمات : 4
نقاط : 4
تاريخ التسجيل : 24/03/2012

مُساهمةموضوع: ده اللانجيرى بتاعى بغرزه الانانسه   السبت مارس 24, 2012 2:04 am

الرجوع الى أعلى الصفحة اذهب الى الأسفل
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: عمل لانجيري الاناناسه   السبت مارس 24, 2012 1:59 pm

هبه4 كتب:
ورشه جميله انا عملت اللانجيرى ده وعملتله زى جيب كده صغير بتربط من الخلف بالتوفيق فى باقى الورشه
شكرا يا قمر نورتينا بجد ومشاركتك اسعدتنا



شغلك روعه بجد ومرتب جدااااااااا
تسلمى


كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
هبه4
عضو جديد
عضو جديد


المزاج :
عدد المساهمات : 4
نقاط : 4
تاريخ التسجيل : 24/03/2012

مُساهمةموضوع: رد: عمل لانجيري الاناناسه   السبت مارس 24, 2012 4:01 pm

heba sha3era كتب:
هبه4 كتب:
ورشه جميله انا عملت اللانجيرى ده وعملتله زى جيب كده صغير بتربط من الخلف بالتوفيق فى باقى الورشه
شكرا يا قمر نورتينا بجد ومشاركتك اسعدتنا



شغلك روعه بجد ومرتب جدااااااااا
تسلمى

شكرا ليكى ياجميل تفتكرى لو اشتركت فى الكتالوج بتاعك بالموديل ده يلاقى اقبال
الرجوع الى أعلى الصفحة اذهب الى الأسفل
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: عمل لانجيري الاناناسه   السبت مارس 24, 2012 9:10 pm

طبعا يا قمر
انتى شغلك جميل جداااااااااااا


كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: عمل لانجيري الاناناسه   السبت مارس 24, 2012 9:21 pm

طيب نكمل ياقمرات
بسم الله الرحمن الرحيم
بااترون
للقطعه اللى بالوسط بس أكبر






السطر السادس
السطر ده انا صورته مرتين مره زي الباترون ومره زي ماعملته
بس اسمحوا لي بعد السطر ده مش حاامشي تبع الباترون بالمللي
يعني حانغير شويه
حانتفق اننا دلوقت نهمل شويه اللوبات الجانبيه والمروحتين للبدايه والمروحتين للنهايه
يعني مش حااشرحهم كل سطر علي اساس اننا فهمنا طريقتهم ومافيش فيهم تغيير
نشرح مروحه الوسط بس ويكون مفهوم اننا بنعمل اللوبات حولها عادي



حانعمل علي ال14 عمود في مروحه الوسط سطر عمود سلسله-عمود-سلسله علي ال14 عمود كده

بس انا هنا كنت عملت 11عمود بس
بس مش مشكله احنا اتفقنا ان كل واحده حاتعمل عدد العماويد اللي يناسبها
ومن الاخر اعمليهم 14
خلصي السطر عادي


فيه طريقه تانيه وهي طريقه الباترون ده
بدل ماتعملي عمود-سلسله
اعملي عمودين مجمعين عند القمه وكرري 14 مره
اول غرزه في الرابط الرائع ده
http://crochee.malware-site.www/learncrochet-4.htm


وكملي السطر عادي



السطر السابع

بنبدا السطر بمروحتين ثم اللوبات المكونه من 5سلسله لغايه ماتيجي لمروحه الوسط
اعملي اول مروحه من المروحتين اللي علي جانبيها ثم سلسلتين وغرزه حشو في اول لوب مكون من سلسله بين اول عمود وثاني عمود ثم (4سلسله ثم غرزه حشو في اللوب التالي)
وكرري حتي اخر لوب


ثم سلسلتين واعملي المروحه وكملي السطر عادي


لو حاتعملي بطريقه الباترون اعملي غرزه الحشو بين كل غرزتين


استمري بقي في الشغل علي نفس المنوال

لغايه اللوبات اللي في الجانبين مايخلصوا
بتعملي المروحتين في بدايه السطر ثم 3سلاسل ثم غرزه حشو في اللوب ثم 3سلاسل ثم بتعملي المروحه اللي قبل الاناناسه ثم 3سلاسل ثم لوبات الاناناسه وتكملي الناحيه الاخري مثلها



بصوا بقي ياجميلاتي
لو بصينا للباترون اللي بدانا عليه حانلاقي اننا كنا مفروض حاندخل علي منطقه البرا او السوتيان
لان نهايه الاناناسه بتدخل في باترون البرا

كده حايكون قصير جدا
علشان كده هنا حانغير الباترون ونمشي علي باترون تاني
بس حانرجع للباترون ده ونعمل البرا منه

شوفوا احنا وصلنا لغايه المقاس اللي متحدد بالخط الاسود
والاناناسه نهايتها عند الخط الاصفر
فيه مسافه بين الخط الاصفر والخط البرتقالي اللي بيحدد بدايه البرا
انتي اللي بتحدديها
يعني لو تلاحظي احنا حانمشي مسافه بمراوح مع تشكيل منها وتكرار سطور
انا حااشرح علي المايوه اللي عندي واقول التكرار
انتي ممكن تكرري معايا وممكن تكتفي بسطر او سطرين وتبدئي تغيري التغيير التالي






احنا وصلنا للسطر اللي قفلنا فيه اللوبات اللي علي الجانبين
بنعمل بعد كده كذا سطر كالتالي
مروحتي البدايه-سلسله-مروحه الجنب- -3سلاسل-الاناناسه-3سلاسل-مروحه الجنب -سلسله- مروحتي النهايه
والشكل ده مع اخر دور في الاناناسه وزي ماانتوا ملاحظين فاضل لوب واحد منها

وبعد كده نبدا اضافه مراوح لتعويض الاناناسه ولعمل التوسيع اللي بعدها




كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: عمل لانجيري الاناناسه   السبت مارس 24, 2012 9:29 pm

السطر التالي

نبدا بمروحتي البدايه -سلسلتين-3 عمود في اللوب المكون من سلسله اللي بين مروحه البدايه ومروحه الجنب للوسط-- سلسلتين- مروحه الجنب للوسط-4سلسله- غرزه حشو في اخر لوب من الاناناسه- 4سلاسل- مروحه الجنب الاخر للوسط-سلسلتين-3عمود في اللوب اللي بين مروحه الجنب الاخر للوسط واول مروحه من مروحتي النهايه- سلسلتين-مروحتي النهايه




السطر التالي

مروحتي البدايه-سلسلتين-
فاكرين ال3عمود اللي عملناهم بين المروحتين في السطر السابق انا عاملاهم بالاحمر وبخط كبير
حانعمل فيهم التالي
عمودين بين اول عمود وثاني عمود-سلسله-عمودين بين ثاني عمود وثالث عمود

3سلسله- مروحه الجنب الاول - سلسلتين- مروحه الجنب الثاني وكرري نفس اللي عملتيه في الجنب الاول وانهي السطر بمروحتي النهايه
وده شكل المروحه اللي عملتيها في ال3عمود



ارجو ان الكلام يكون واضح

وشوفوا منظر خط الجنب بعد الضيق بدا يوسع


السطر التالي

خدي بالك اننا بنزود دلوقت في المروحه اللي زودناها بين مروحتي البدايه ومروحه الوسط
ومن الناحيه التانيه برضه بين مروحه الوسط ومروحتي النهايه
وخلي بين مروحتي الوسط علي طول سلسلتين او ثلاثه علشان يكون الشغل مريح معاكي

السطر التالي
اعملي مروحتي البدايه -سلسلتين
(عمودين -سلسله- عمودين-) في اول لوب من المروحه اللي زودناها بين مروحتي البدايه ومروحه الوسط -ثم سلسلتين- ثم (عمودين -سلسله-عمودين) في ثاني لوب
وتكملي عادي لغايه الناحيه التانيه من السطر وتكرري اللي عملتيه في الناحيه الاولي وتتهي السطر بمروحتي النهايه



وشوفي الشغل كده وصل لفين



السطر التالي


حاتعملي مروحتي البدايه ثم سلسلتين ثم-
عمودين -سلسله-عمودين في اول لوب من المروحه و(حانتفق ان مروحه الوسط اللي زودناها بين مروحتي البدايه ومروحه الوسط اسمها و ) سيم يعني ههههه
ثم سلسلتين- ثم (عمود-سلسله- عمود )في اللوب اللي في الوسط -ثم سلسلتين-ثم(عمودين -سلسله-عمودين )في اللوب الاخير
ثم 3سلسله
كده


وكملي السطر وبرضه نكرر في المروحه و في الجهه الاخري ونقفل بمروحتي النهايه

السطر التالي

برضه مروحتي البدايه-سلسلتين-
مروحه في اول مروحه من المروحه و- سلسلتين- مروحه في اللوب المكون من سلسله بين العمودين -سلسلتين-مروحه في ثاني مروحه من المروحه و- 3سلاسل وكملي السطر وكرري مع المروحه و في الجهه التانيه واقفلي بمروحتي النهايه





كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: عمل لانجيري الاناناسه   السبت مارس 24, 2012 9:42 pm

السطر التالي
مروحتي البدايه-سلسلتين
مروحه في اول مروجه من المروحه و-
في ثاني مروحه
اعملي (عمود- سلسله-عمودين-سلسله-عمود )-وفي ثالث مروحه اعملي مروحه
ثم 3سلسله وكرري في الجهه الاخري من السطر واقفلي بمروحتي النهايه



عايزاكوا تشوفوا بس بعد سطرين شكل الشغل


ده بالنسبه للمقاس اللي عندي اصبح كويس وفاضل البرا
ممكن بالنسبه لكوا يكون طويل او قصير
قيسوا علي اي حاجه عندكوا
وظبطوا المقاس

هنبدأ في البرا المشاركه اللى جايه ان شاء الله


كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
رودي ابو زهرة
عضو جديد
عضو جديد
avatar

المزاج :

عدد المساهمات : 6
نقاط : 6
تاريخ التسجيل : 01/10/2012

مُساهمةموضوع: رد: عمل لانجيري الاناناسه   الإثنين أكتوبر 01, 2012 1:43 am

تسلم ايدك يا هبة
شرحك اكتر من ممتاز
وانا مجربه من قبل كدا
انا كنت محتاجة الورشة دي ضروري جدا
باذن الله اعملها وانزل الصور
الرجوع الى أعلى الصفحة اذهب الى الأسفل
الورده الجوريه
عضو جديد
عضو جديد
avatar

المزاج :
المهنه :
عدد المساهمات : 2
نقاط : 2
تاريخ التسجيل : 11/12/2012

مُساهمةموضوع: رد: عمل لانجيري الاناناسه   الثلاثاء ديسمبر 11, 2012 1:42 am

طيب هتكمليه امتى انا خلصت لحد ما اتى وقفى بس بالخيط الحرير ومنتظره باقى الورشه ياقمر
الرجوع الى أعلى الصفحة اذهب الى الأسفل
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: عمل لانجيري الاناناسه   الثلاثاء ديسمبر 11, 2012 8:12 am

الورده الجوريه كتب:
طيب هتكمليه امتى انا خلصت لحد ما اتى وقفى بس بالخيط الحرير ومنتظره باقى الورشه ياقمر
اهلا يا جميل
مكنتش اعرغ انى في حد بيعمل ااورشه

هكملها تن شاء الله النهرده بالليل
وهى نقوله على فكره
هنزلهالكم حاضر

بس ابقي لرجبنا على الجمال بقي لما تخلصيه



كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: عمل لانجيري الاناناسه   الأربعاء ديسمبر 12, 2012 12:39 am

نكمل عشان الورده الجورىه
معلش اتاخرنا وعطلناكى

انتي دلوقت وصلتي لاخر السطر
اعملي 6سلاسل وسيبي اول مروحه وابدئي تاني مروحه من
كده خلصنا من مروحه
اعملي تاني مروحه ثم سلسلتين-ثم المروحه التاليه ثم سلسلتين ثم 3مراوح في ال3مراوح التاليه بدون ماتفصلي بينهم بالسلسلتين المعتادين
يعني اعمليهم ورا بعض-ثم سلسلتين-ثم مروحه -ثم عمود ولفي
مفروض كده عملنا لغايه اول مروحه من مروحتي الوسط للمايوه





3سلاسل ثم مروحه ثم سلسلتين
حايقابلك ال3مراوح اللي جنب بعض ---اعملي التالي
في اول مروحه اعملي 7عمود -ثم 5عمود في ثاني مروحه ثم 7عمود في ثالث مروحه
كده عندك كام عمود ؟؟؟------- ثم سلسلتين ثم مروحه ثم 10 سلاسل واشبكيهم في اخر عمود من مروحه البدايه



وارجعي عليهم بغرزه منزلقه كده لغايه ماتوصلي لاول السطر تاني





دي حاتكون العروه اللي حاتشبكي فيها الحماله

وارتفعي 3سلاسل
واعملي المروحه بتاعتك ثم سلسلتين
حايقابلك ال19عمود
عايزين نزودهم
نعمل في اول عمود عمودين وفي العمود اللي بعده عمودين ونمشي بقيه الاعمده بدون زياده ثم نعمل في العمود قبل الاخير عمودين وفي العمود الاخير عمودين
كده بقي عندنا كام عمود ؟؟؟
ثم سلسلتين ومروحه ثم عمود نهايه السطر



هنا علشان اوصل بين جانبي البرا ومايكونش المسافه بينهم واسعه عملت فكره ممكن انتي تستغني عنها
وممكن وانتي بتعملي الجزء التاني من البرا توصلي بسلاسل افقيه
وممكن بشريط ساتان
انا حااعرضها وانتي لكي الحريه

بعد ماتعملي عمود النهايه بتعملي عدد من السلاسل 12 مثلا وتشبكيهم في اللوب اللي بين مروحتي الوسط وترجعي عليهم بغرز منزلقه او غرز حشو
كده







فيه ملحوظه تانيه
في الباترون عامل حماله الجنب عند تالت ورابع سطر في البرا
انا عملتها مع العروه علشان عاملاها بفكره الX علي الضهر
ولكي طبعا الحريه في الاختيار بس عايزه اقول لك
مش حاتفرق كتير


كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: عمل لانجيري الاناناسه   الأربعاء ديسمبر 12, 2012 12:48 am

ونكمل ياغالياتي

السطر التالي سطر التنقيص

حانتفق اننا دايما بنبدا السطر بمروحه وسلسلتين وننهيه بمروحه وسلسلتين ماشي

خدي عمودين مع بعض تنقيص في اول السطر وكملي الاعمده وخدي اخر عمودين مع بعض تنقيص
كده نقصتي عمودين واصبح عدد الاعمده ؟؟




السطر التالي والذي يليه والذي يليه والذي يليه(4سطور)
تنقيص 3عمود في الاول و3عمود في الاخر



وده التنقيص بتشتغلي اول عمود ومش بتنهيه ثم الثاني وتسيبي اخر لوب منه علي الابره ثم الثالث وتسيبي اخر لوب منه علي الابره

ثم تجمعيهم كلهم في غرزه واحده





والسطر اللي بعده بتعملي مروحه ثم سلسلتين وغرزه حشو في عمود المنتصف
ثم سلسلتين ثم مروحه


وده شكل الشغل



السطر التالي اعملي المروحتين بدون سلاسل بينهما




السطر التالي
غرزتين منزلقه الي اللوب الاوسط في اول مروحه ثم 3سلاسل وعمود في اللوب ده ثم سلسله وعمودين في اللوب الاوسط من المروحه الثانيه




كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
dr.heba
Admin
Admin
avatar

المزاج :
المهنه :

عدد المساهمات : 1003
نقاط : 1880
تاريخ التسجيل : 25/12/2011
العمر : 30

مُساهمةموضوع: رد: عمل لانجيري الاناناسه   الأربعاء ديسمبر 12, 2012 12:51 am

كده الناحيه دي خلصت ومش تقطعي الخيط
ابدئي الناحيه التانيه بنفس ترتيب الخطوات
وبصوا بقي
انتي كده عايزه نعملي الحمالات
علي حسب رغبتك
يعني ممكن تعمليها عريضه يبقي كده تمشي بالمروحه الطول اللي انتي عايزاه
او عايزاها رفيعه يبقي تختصري المروحه لسلسه او سلسلتين
يعني الحماله علي حسب مزاجك
ممكن تكوني عايزه تربطيها خلف الرقبه وتعملي شريط تاني يربط البرا بين العروتين اللي عملناهم كده



الخطين اللي بالابيض فوق واللي بالابيض علي الجنبين
ومعلش لازم تظليل بس انتوا اتخيلوا الوضع

ممكن بقي وده اللي انا عاملاه
تعمليها كروس علي الضهر
بتطولي الحماله لغايه ماتنفع تعملي الحركه دي




فاهماني
بتعدي الحماله اليمين مثلا للناحيه اليسري وتدخليها في العروه اليسري والعكس للحماله اليسري بتعديها للناحيه اليمين وتعديها من العروه اليمين وتعقديهم فيونكه علي الضهر

اختاري انتي بقي وكملي

وكده نكون خلصنا الورشه

كل سنه وانتم طيبين
منقوه للافاده
ادعولى لانى تعبت في نقلها ليكم جدا




Rolling Eyes


كل سنه وانتم طيبين


الرجوع الى أعلى الصفحة اذهب الى الأسفل
http://goldenhandmade.forumarabia.com
الورده الجوريه
عضو جديد
عضو جديد
avatar

المزاج :
المهنه :
عدد المساهمات : 2
نقاط : 2
تاريخ التسجيل : 11/12/2012

مُساهمةموضوع: رد: عمل لانجيري الاناناسه   الخميس ديسمبر 13, 2012 3:56 am

تسلملى ايدك عذبتك معى جزاك الله
الرجوع الى أعلى الصفحة اذهب الى الأسفل
 
عمل لانجيري الاناناسه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الايدي الذهبية :: شركه golden handmade :: موديلات الكتالوج وطريقه عملها-
انتقل الى: