بطانيه البيبي المربعات

السلام عليكم ورحمه الله وبركاته

دى بطانيه البيبي الشيك


الخامات المطلوب :-
---------------------


اربعة بكرات خيط صوف من اللون الغالب

بكرتين من اللونين الاخرين



المقاس النهائى متر فى متر



مقاس الوحدة : 10 سم



الشرح
--------


نبدا بعمل الدائره المركزيه مكونه من عدة سلاسل ونغلقها


السطر الاول : نقوم بعمل 3 سلاسل = عمود ثم نقوم بعمل عمودين ثم 3 سلاسل و نكرر الخطوات 3 مرات مع زيادة عمود فى بقية المرات بحيث يكون عندنا 4 مرات 3 عواميد بينهم 3 سلاسل ويتم غلق السطر بغرزه منزلقه فى اول سلسله من الثلاث سلاسل الاولى من اعلى

السطر الثانى : نبداه ب 3 سلاسل = عمود فى الفراغ المكون من 3 سلاسل ثم 3 عواميد ثم 3 سلاسل ثم 3 عواميد فى نفس المكان ونكرر فى كل فراغ مكون من 3 سلاسل ونغلق السطر بغرزه منزلقه فى راس اول سلسله من الثلاثه سلاسل الاولى من اعلى

السطر الثالث :نبدا السطر بسلسله واحده = حشوه ثم يتم عمل حشوه فى كل عمود وفى كل سلسله ويغلق السطر بغرزه منزلقه فى السلسله الاولى التى تساوى حشوه

السطر الرابع باللون الثانى : نبدا ب 3 سلاسل = عمود ثم عمودين متجاورين فى الغرزتين التاليتين ثم نترك غرزه ونعمل سلسله ثم عمود ثم نترك غرزه ونعمل سلسله ثم عمود ثم نترك غرزه ونعمل سلسله ثم عمود ثم 3 عواميد متجاورين ( كل هذا على ضلع واحد من ضلوع المربع ) ويكرر 3 مرات على باقى الضلوع الباقيه ماعدا اول 3 سلاسل فى السطر نعمل عمود بدلا منهم

السطر الخامس والسادس باللون الثالث : يكرر نفس خطوات السطرالرابع مع زياد ة فى كل ركن عمودين سلسلتين عمودين

السطر السابع باللون الثانى : نكرر نفس خطوات الثلاث سطور السابقه مع زيادة فى كل ركن عمودين سلسلتين عمودين

السطر الثامن و الاخير باللون الثالث : نكرر نفس خطوات الاربع سطور السابقه مع زيادة فى كل ركن عمودين سلسلتين عمودين وهذا هو سطر التشبيك بين الوحدات


طريقة التشبيك
------------------


لعمل بطانيه الاطفال طريقة بطانيه



يتم تشبيك ضلع امام ضلع من كل وحده باحدى الطرقتين: اما بالخياطه من خلف الشغل فى اتجاه واحد سطور عرض ثم سطور طول

او اثناء عمل السطر الاخير بغرزه منزلقه مع كل عمود


ملاحظات لضمان جودة التنفيذ
***********************
عند شبك خيط بخيط اخر " لون بلون " يتم عمل عقده طويله حوالى 4 سم لضمان عدم فك الخيط من بعضه ويتم اخفاء الخيط داخل الغرز

عند تشبيك وحده بوحده اخرى يراعى وجده الوحدات فى اتجاه واحد والظهر فى اتجاه واحد

منقوله للافاده

شكلها شيك ورقيقه

ربنا يخليكى يا قمر