السلام عليكم ورحمه اللله وبركاته
مشروح منقول من منتدى تانى
جزاها الله خيرا اللى شرحته
اولا هتشتغلي سلاسل علي قد دوران البلوفر او علي قد الكوفيه
ولو كان البلوفر مفتوح ماتقفليش السلسله ولو مقفول اقفليها وتعملي سلسلتين لبداية اى سطر وكل سطر اول سطر تعملي عمود في كل غرزه
وبعد كده البليسيه بتعمليه بانك تشتغلي غرزه اماميه وغرزه خلفيه لطول السطر ولمدة اربع سطور وبعد كده تعملي سطر عماويد عمود في كل غرزه واللي بعده تعملي ايه وده المهم
تعملي سلسلتين ثم تسيبي 3 عمود وفي الرابع تشتغلي غرزتين عمود في غرزه واحده وبعدين ترجعي للتالته وتشتغلي عمودين في غرزه واحده وبعدين تسيبي 3 عمود من اللي تحت
وفي الرابع تعملي عمودين في غرزه وبعدين ترجعي للتالته تعملي عمودين في واحده وهكذا طول السطر والسطر اللي بعده تعملي عمود في كل غرزه واللي بعده تعملي زى السطر التاني
وهكذا طول السطور سطر عمدان وسطر غرزتين عمود في غرزه وهكذا للبلوفر او الكوفيه او الجاكيت
الطاقيتين انتي بتعملي 5 سلاسل وتقفليهم بمنزلقه وتشتغلي 18 عمود في وسط السلاسل وتقفليهم وتاني سطر تعملي سلسلتين بدايه للسطر ثم فوق اول عمود تشتغلي عمود والتاني فوقه عمودين وهكذا طول السطر والسطر اللي بعده تشتغلي 3 عماويد علي 3 عماويد من السطر اللي تحت وفي الرابع تشتغلي عمودين في غرزه وهكذا لحد 4 او 5 سطور قد دوران الراس
وبعد كده تشتغلي عمود في كل غرزه بدون تزويد خالص واللي بعده تشتغلي نفس الغرزه اللي في الجاكيت وترجعي السطر اللي بقعده تشتغلي عمدان لحد ماتوصلي بالطاقيه للطول المطلوب ولما تشتغلي الجزء المقلوب لفوق تشتغلي غرزة الجاكيت لاربع سطور ثم اخر سطر تشتغلي حليه فستونات وهي انك تشتغلي 6 عماويد في غرزه وتسيبي 4 عماويد وفي الخامس تشتغلي 6 تاني وهكذا
وبس ياقمر اى خدمه